Link açıqlığı

Saatnıñ esas haberi

Barroso: Ukrainağa Qırımnı qaytarmağa zor olacaq


Rusiye prezidenti Vladimir Putin Ukrainağa işğal etilgen Qırımnı qaytarmağa istemez, dep tüşüne Avropa komissiyasınıñ sabıq prezidenti José Manuel Barroso.

Bu aqta o Ukrainskaya pravda neşirine bildirdi.

«Menim noqtaiy-nazarıma köre, Rusiye akimiyeti işbu vaziyette Qırımnı almaq içün imkân kördi ve ondan fadalandı. Bilmeyim, bu olarnıñ evelden alınğan qararı edimi, yoqsa bu imkân olar içün bütün bu yüz bergen vaqialar devamında açıldı», – dedi José Manuel Barroso.

«Amma Qırımnı qaytarmağa zor olacaq, çünki Putin buña razı olmaz», – dedi o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG