Link açıqlığı

Aqmescitte qırımtatar müzeyiniñ adını deñiştirdiler


«Qırımtatar sanatlar müzeyi» likvidatsiyasından soñ adını deñiştirdi. Endiden soñ onıñ adı – «Qırımtatar medeniyet-tarih mirasınıñ müzeyi» Qırım Cumhuriyetiniñ Devlet bücet müessisesidir, dep haber ete QHA.

Müzey hadimleri bildire ki, al-azırda müessiseni Rusiye qanunlarına köre ğayrıdan qayd eteler.

Yanvar 27-de müzeyde bu yılnıñ ilk sergisi açıldı. Sergide qırımtatar ressamı Ali Bekirovnıñ eserleri numayış etilgen.

İşğal etilgen Qırımda eki teatrniñ adını da deñiştirdiler. Aqmescitteki Qırım Akademik Ukrain muzıkalı teatri «Qırım Cumhuriyetiniñ Devlet akademik teatri», Gorkiy adına Rus akademik muzıkalı teatri ise «Qırım akademik drama teatri» oldı.

Aqmescitteki Qırımtatar akademik muzıkalı-drama teatri de adını deñiştirip, devlet teatri olacaq.

Kendi adını yalıñız Franko kütüphanesi qaytarıp oldı.

XS
SM
MD
LG