Link açıqlığı

Saatnıñ esas haberi

Ukraina Yuqarı Şurası Rusiyeni istilâcı-memleket olaraq tanıdı


Ukraina Yuqarı Şurasında halqara teşkilâtlarğa yollanılacaq «Lugansk halq cumhuriyeti» ve «Donetsk halq cumhuriyeti»niñ terroristik teşkilâtlarnıñ sırasına kirsetilmesi ve Rusiyeni istilâcı-memleket olaraq tanılması aqqında arizağa qol tuttılar.

İşbu arizağa 271 deputat rey berdi, dep haber ete Radіo Svoboda.

«Men onı (qararnı. – muar.) imzalap, yollarım»,– dedi Ukraina Yuqarı Şurasınıñ spikeri Vladimir Groysman.

Yaqında Nalivayçenko Ukraina havfsızlıq Hızmetinde (SBU) Rusiye mahsus hızmetleriniñ Mariupol teraktındaki iştiragi aqqında «isbatlanğan deliller» bar olğanını bildirgen edi. Bundan da ğayrı, SBU malümatına köre, Mariupol şeerine Rusiye toplarından ateş açılğan edi.

Mariupolniñ şimaliy mesken maallerine ateş açılğanı neticesinde yanvar 24 künü 30 insan elâk oldı, 100-ge yaqın adam yaralandı. OSCE mahsus nezaret eyyeti qayd etkeni kibi, ateş «DHC» nezareti altında olğan taraflardan açılğan edi. Resmiy Moskva Ukraina şarqındaki vaqialarğa alâqası olmağanını bildirmekte.

XS
SM
MD
LG