Ukraina ordusı 2014 senesinde Qırım işğalinden ve Donbass ziddiyetinden uçaqalırınıñ yarısını coydı.
Bu aqta Flightglobal Insight's World Air Forces 2015 dünya ava flotunıñ vaziyeti aqqında er yıllıq arizasında aytıla, dep bildire Polskie radio.
Esabatqa köre, eger de 2014 senesiniñ başında ukrain arbiy flotunda 400 uçaq olsa, şimdi sayısı 222-ge qısqartıldı. 2014 senesi bozulğan er üçünci uçaq Ukraina ordusına ait edi.
Bunıñ ile, eñ azından 22 ukrain uçağı Donbassta ATO devamında bozuldı, 21 – topraq-ava raketalarnıñ qullanuvından, Ukrainanıñ bir Mig-29 Rusiyeniñ MİG-29 tarafından tüşürildi, denile vesiqada.
Esabat müellifleri şunı da qayd eteler ki, Ukraina uçaqlarınıñ bir qısmını Rusiye tarafından işğal etilgen Qırımda coydı.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
