Salı künü, yanvar 27-de, Holokost qurbanlarınıñ halqara hatıra künü qayd etile. 70 yıl evelsi sovet orduları Poloniya territoriyasındaki Auşvits (Оsventsim) kontslageriniñ mabüslerini azat ettiler, haber ete Radio Svoboda.
Sabıq kontslagerniñ territoriyasında esas tedbirler yanvar 27 künü üyleden soñ Auşvitsa qapıları ögünde başlanacaq. Mında 300 sabıq mabüs iştirak etecek, hususan Poloniya ve İsrailden.
Оsventsimge 42 memleketniñ temsilcileri de kelecek, şu cümleden Poloniya, Almaniya, Frenkistan ve Ukraina prezidentleri. Amerika eyyetiniñ başında maliye naziri Jack Lew, Rusiye eyyetiniñ – prezident memuriyetiniñ reberi Sergey İvanov olacaq.
Rusiye prezidenti Vladimir Putinniñ iştiragi, belli olğanı kibi, beklenilmyey.
Оsventsimazat etilüviniñ 70 yıllığını Çehiyada da qayd etecekler. Pragada, soñra Çehiyanıñ eñ büyük kontslageri yerleşken Terezinada. Yaqında Pragada dünya antisemitizm ve ekstremizm meseleleri boyunca halqara forumı açıldı.
