Link açıqlığı

Saatnıñ esas haberi

Poloniyada «Qırım» fondu: ATR tintüvi qırımtatarlarnıñ sürgünligine azırlıq ola bile


Qırımtatarlar tintüv vaqtında ATR telekanalı yanında
Qırımtatarlar tintüv vaqtında ATR telekanalı yanında

Yanvar 26 künü OMON tarafından ATR qırımtatar telekanalında keçirilgen tintüv – ziddiyetni doğurtmaq ve halqnı Qırımdan sürgün etmek maqsadı ile keçirilgen yerli akimiyet teşebbüsidir.

Böyle fikirni Ukrinform mühbirine Poloniyadaki «Qırım» fondunıñ reisi Riza Asanov bildirdi.

«Qırım akimiyetiniñ qırımtatarlarnı ziddiyetke tursatmaq içün azırlağan mahsus bir provokatsiyası olğanından qorqamız. Fikrimizce, qorqutalar ve, belki de, atta sürgünlikke azırlıq köreler», – dedi Asanov.

Malüm ki, yanvar 26-da, ATR qırımtatar telekanalına silâlı insanlar sürip kirdi. Haberlerniñ acele yayınında alıp barıcı silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamentiniñ binası yanında keçirilgen mitingniñ videosını saqlağan bilgisayar serverini tutıp almaq içün kelgenini bildirdi

Telekanal yolbaşçılığı bu areketni yarımadanıñ tamır halqına etilgen nevbetteki toqat olaraq tanıdı. Qırımtatar Milliy Meclis reisi Refat Çubarov ATR qırımtatar telekanalına kelgen silâlı insanlarnıñ esas maqsadı – onıñ astını-üstüne çevirmekten ibaret olğanını bildirdi.

Tintüv bütün kün devam etti. Qırımnıñ içki siyaset, informatsiya ve alâqalar «naziri» Dmitriy Polonskiy dedi ki, ATR qırımtatar telekanalınıñ reberleri ve jurnalistleri «kendi areketlerinden mesülietni akimiyetke qaldıracaq olalar».

Qırım «prokurorı» Natalya Poklonskayanıñ aytqanına köre, tintüv taqiqatçınıñ qararı ile açılğan cinaiy iş çerçivesinde keçirildi.

XS
SM
MD
LG