Link açıqlığı

Qırım akimiyeti ATR mustaqil telekanalına nisbeten repressiyalarnı toqtatmalı.

Bu kibi bildirüvi ile New Yorktaki Halqara jurnalist aqlarını qorçalav komiteti çıqışıta bulundı, dep bildire Golos Ameriki.

«ATR işine keder etken ücüm – Qırımda mustaqil ve tenqidiy matbuat vastalarını sustırmaq içün teşkil etilgen bir areketniñ qısmıdır,– dedi Avropa ve Merkeziy Asiya boyunca komitet bölüginiñ hadimi Muzaffar Suleymanov. – Biz Moskva ve Qırım akimiyetini ATR mühbirleriniñ taqibini toqtatmaq ve kanalnıñ işine keder etmemege çağıramız».

Malüm ki, yanvar 26-da, ATR qırımtatar telekanalına silâlı insanlar sürip kirdi. Haberlerniñ acele yayınında alıp barıcı silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamentiniñ binası yanında keçirilgen mitingniñ videosını saqlağan bilgisayar serverini tutıp almaq içün kelgenini bildirdi

Telekanal yolbaşçılığı bu areketni yarımadanıñ tamır halqına etilgen nevbetteki toqat olaraq tanıdı. Qırımtatar Milliy Meclis reisi Refat Çubarov ATR qırımtatar telekanalına kelgen silâlı insanlarnıñ esas maqsadı – onıñ astını-üstüne çevirmekten ibaret olğanını bildirdi.

Tintüv bütün kün devam etti. Qırımnıñ içki siyaset, informatsiya ve alâqalar «naziri» Dmitriy Polonskiy dedi ki, ATR qırımtatar telekanalınıñ reberleri ve jurnalistleri «kendi areketlerinden mesülietni akimiyetke qaldıracaq olalar».

Qırım «prokurorı» Natalya Poklonskayanıñ aytqanına köre, tintüv taqiqatçınıñ qararı ile açılğan cinaiy iş çerçivesinde keçirildi.

XS
SM
MD
LG