Bazarertesi künü, yanvar 26-da, terrorizmge qarşı tedbirler alanında eñ kergin vaziyet Debaltsevo tarafında qayd etile.
Bunı ATO matbuat merkezi Facebook saifesinde bildire.
Berilgen malümatqa köre, Luganskoye, Mius, Nikişino, Troitskoye mesken yerleri de ateş altında qaldılar.
Donetsv ava limanı yanında Avdeyevka, Peski, Granitnoye mesken yerlerine minaatıcı ve toplardan ateş açıla. Boyeviklerniñ esas ateşi Marinka rayonındaki silâlı quvetleriniñ noqtalarına yönelgen.
ATO matbuat merkezi bildire ki, ukrain askerleri bulunğan yerlerini qorup, duşmannıñ ateş vastalarına da top darbelerini endireler.
Mariupol tarafında tınçlıq qayd etile. Kün devamında boyevikler Çermalık mesken yeri rayonında ve Nikolayevka tarafındaki ukrain askerleriniñ noqtalarına minaatıcıdan ateş açtılar. ATO quvetleriniñ topları da cevap olaraq ateş açtılar.
