Link açıqlığı

Saatnıñ esas haberi

Silâlı insanlar tarafından tintüvge oğrağan ATR qırımtatar telekanalınıñ hadimlerini binağa kirsetmege başladılar, amma yalıñız çalıq teşkerüvden soñ ve cedvel boyunca.

Bu aqta telekanal yolbaşçılığı Federal havfsızlıq hızmetiniñ hadimleri ile añlaştı, dep haber ete Qırım.Aqiqat mühbiri.

«Tintüv üç saat devam ete, bu vaqıt içerisinde bina yanında hadimlerimiz toplandı. Şimdi, çalıq teşkerüvden soñ, olarnı telekanalğa kirseteler, amma içeri bulunıp, öz iş odalarına kimse kirip olamay», – dep haber etti telefon vastası ile şirketniñ mühbirlerinden biri.

Onıñ fikrine köre, silâlı insanlar hadimlerni bir odada toplap, nevbetteki teşkerüvge başlay bile.

Bazarertesi künü, yanvar 26-da, ATR qırımtatar telekanalına silâlı insanlar sürip kirdi. Haberlerniñ acele yayınında alıp barıcı silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamenti divarları yanında keçirilgen mitingniñ videosını saqlağan bilgisayar serverini tutıp almaq içün kelgenini bildirdi.

ATR qırımtatar telekanalınıñ haber siyaseti boyunca baş müdiriniñ muavini Lilâ Bucurova canlı yayınğa çıqıp, halqqa muracaatta bulundı. O, silâlı insanlarğa bazarertesi künü telekanalda tintüvni keçirmege izin bergen yerli akimiyet areketlerini takbih etti.

Vaqia yüz bergen yerge Qırımtatar Milliy Meclis reisiniñ muavini Ahtem Çiygoz da keldi. O, işbu vaqianı qırımtatarlarnı qorqutmaq içün bir usul olaraq adladı.

XS
SM
MD
LG