Link açıqlığı

Qırımtatarlarnıñ milliy paytahtını Bağçasarayda «Devlet Saray» tarihiy medeniy kompleksiniñ territoriyasında qurmağa teklif eteler.

Bunı «Larişes» müzeyiniñ tesisçisi Gülliver Altın öz Facebook saifesinde yazdı.

«Er bir halqnıñ toplanıp, milliy medeniyet, tasil inkişafınıñ suallerini muzakere etmek, müim tantanalı tedbirlerni keçirmek ve körüşüvlerni teşkil etmek içün milliy merkezleri olmalı. İşbu merkezlerniñ tarihiy yerlerde olması daa da mantıqlıdır. Böyle status kompleksniñ territoriyasında olğan abidelerge ve, şu cümleden, halqnıñ tarihına diqqatnı celp etmek içün yardımcı ola bilir», – dep yazdı o.

Soñra müzey tesisçisi merkezniñ statusını uquqiy ceetten belgilemege teklif ete. «Halqnıñ razılığı kerektir, tabiiy ki, şunıñ içün bu sual keñ sürette muzakere etilecek», – dedi Altın.

«Devlet Saray» kompleksi Bağçasaray kenarında Staroselyede, Qırım hanlığınıñ birinci paytahtı olğan Qırq yerniñ saray kompleksi territoriyasında yerleşe.

XS
SM
MD
LG