Link açıqlığı

Mordoviya mektebinde hicabnıñ yasaq etilmesini yanvar 28 künü Moskvada Rusiye prezidentiniñ temsilcisi, dinciler ile «COBA» haber merkezinde keçirilecek matbuat konferentsiyasında muzakere etecekler.

Buña sebep 2014 senesi oktâbr 24-de Mordoviya Yuqarı mahkemesiniñ musulman qızçıqlarına mektepke adetiy yavlıq ile kelmege yasaqlığı oldı.

«COBA» merkezinde haber etilgeni kibi, mahkemeden soñ, mektep memuriyetleri yavlıq baylağan talebelerni qıynamağa başladı.

«Qızlarnı mektep tedbirlerinden quva ,olimpiadalarda iştirak etmege imkân bermey ediler, umummektep toplaşuvlarında, sınıf saatlerinde masqara ete ediler. Ana-babalarnıñ çoqusı balalarnı ev oqutuvına keçirmege mecbur oldı. Mordoviya musulmanları bu sebepten çorlana», – dep bildireler matbuat konferentsiyasınıñ tekşilâtçıları.

Fevral 11 künü Rusiye Yuqarı Mahkemesinde mezkür iş boyunca toplaşuv keçirilecek.

Matbuat konferentsiyasında vesiqalı levhalar kösterilecek ve balalarnıñ mesülietke celp etilmesini tasdiqlaycaq vesiqalarnı taqdim etecekler.

Konferentsiyağa Rusiye prezidenti yanında insan aqları boyunca Şurasınıñ azası, «COBA» haber-analitik merkeziniñ müdiri Aleksandr Verhovskiy, Rusiye advokatları Anatoliy Pçelintsev ve Vladimir Râhovsiky, em de din mütehassısları – Marat Aşimov ve İnna Zagrebina davetliler.

Matbuat konferentsiyası Moskva, Preçistenka, 17/0 adresi boyunca yerleşken «COBA» matbuat merkezinde saat 14:00 başlanacaq.

XS
SM
MD
LG