Link açıqlığı

Bazar künü, yanvar 25-de, Odessada Rusiye Federatsiyasınıñ baş konsullığı binası yanında faaller Rusiye prezidentini defin ettiler.

Yüzge yaqın Odessalı çemberler ve «Putin – qatil» levhaları ile keldi. Olar Vladimir Putinniñ timsaliy tabutını ketirip, üstüne qırmızı boyanı töktiler. İnsanlar «Putin, ölip ket», «Mariupol, biz sennen» ve «Odessa – Ukraina» degen şiarlarını seslendire ediler.

Faaller tabutnı qoradan konsullıq territoriyasına alıp atacaq ediler. Amma buña binanı qoruğan militsiya keder etti ve insanlar onı yaqıp talşamağa qarar aldılar.

Mariupolniñ şimaliy mesken maallerine ateş açılğanı neticesinde yanvar 24 künü 30 insan elâk oldı, 100-ge yaqın adam yaralandı. OSCE mahsus nezaret eyyeti qayd etkeni kibi, ateş «DHC» nezareti altında olğan taraflardan açılğan edi.

Resmiy Moskva Ukraina şarqındaki vaqialarğa alâqası olmağanını bildirmekte. BMT Havfsızlıq Şurasınıñ diplomatları Mariupolniñ ücümi boyunca ariza metni üzerinde añlaşıp olamadılar. Haber agentlikleri bildirgeni kibi, Rusiye metnge separatistlerniñ takbih etüvini kirsetmege razı olmadı.

XS
SM
MD
LG