Link açıqlığı

ATO matbuat merkezi: separatistler meskün yerlerge ateş açmaqnı toqtatmay


Ukraina şarqında ziddiyet zonasında gece meksün yerlerge ücüm devam ete edi. Bunı ATO matbuat hızmeti bildire.

Ukraina arbiyleriniñ malümatına köre, Debaltsevo yönelişinde qanunsız silâlı teşkilâtlar Orlovo-İvanovka, Popasnaya ve Debaltsevo taraflarına ateş açqan edi.

Lugansk yönelişinde, Mudafaa nazirligi bildirgeni kibi, gece maalinde boyevikler beş kere Stanitsa Luganskaya, Krımskoye, Makarovo ve eki kere Novotoşkovskоyе qasabasına ücüm etken edi. «Gradlar»dan Verhnâya Оlhovaya ve Krımskoye tarafına ateş açılğan edi.

Donetsk tarafından boyevikler Slavnoye qasabasına ateş açqan ekenler. Mariupolde ise gece vaqtında vaziyet sakin edi.

Separatistler öz saytlarında ukrain arbiylerine faal sürette qarşılıqnı köstergeni aqqında bildireler.

Mariupolniñ şimaliy mesken maallerine ateş açılğanı neticesinde yanvar 24 künü 30 insan elâk oldı, 100-ge yaqın adam yaralandı. OSCE mahsus nezaret eyyeti qayd etkeni kibi, ateş «DHC» nezareti altında olğan taraflardan açılğan edi.

XS
SM
MD
LG