Link açıqlığı

Çubarov Rusiye arbiylerini taqip etecek Halqara mahkemeni teşkil etmege çağırdı


Qırımtatar Milliy Meclis reisi Refat Çubarov

Ukraina Rusiye arbiylerini mesülietke çekmek içün Halqara mahkemeni teşkil etmek kerektir. Bunı öz Facebook saifesinde Qırımtatar Milliy Meclis reisi Refat Çubarov bildirdi.

«Eminim ki, Ukraina Milliy Havfsızlıq Şurasınıñ yarınki ve o birisi kün keçirilecek nevbetten tış toplaşuvında Ukraina toprağında Rusiye Federatsiyasınıñ mahsus hızmetleri tarafından teşkil etilgen terroristik taqımlarnıñ ve Rusiye Federatsiyasınıñ arbiy bölükleri tarafından yapılğan halqara uquqnıñ bozuluvında mesülietli olğanlarnı taqip etmek içün Halqara mahkemeni teşkil etmek kibi teşşebbüs baqılmalı», – dep yazdı Çubarov.

Onıñ fikrine köre, Rusiye Birleşken Milletler Teşkilâtınıñ Havfsızlıq Şurasınıñ bu qararına qarşı çıqacaq, amma insaniyetlik ve barışıqqka havflı olğan cinayetlerni şimdiden taqiq etmek kerek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG