Link açıqlığı

Yanvar 23-te işğalci akimiyet tarafından işğal etilgen Qırımdan sürgün olunğan Qırımtatar milliy areketiniñ faali Sinaver Kadırov yarımadanı terk etip, Herson şeerinde buluna. Bunı Sinaver Kadırovnıñ özü Qırım.Aqiqatqa bildirdi.

«Al-azırda Hersonda toqtaldım, şimdi aqşam yemegini aşap, raatlanmağa isteyim, yarın bir qaç körüşüvim bar. Bugün raatlanırım, yarın devam eterim», – dedi Sinaver Kadırov.

Qırım.Aqiqat mühbiriniñ sağlıq aqqında sualine qırımtatar milliy areketiniñ iştirakçisi olıp keçkenlerge baqmadan, alı yahşı olğanını ayttı.

«Sağlıq bazıda bozulmaq ve yaşağanımıznı köstermek içün bardır. Aks alda sağ olğanını nasıl añlaycaqsıñ», – dep qayd etti o.

Malüm ki, cuma künü, yanvar 23-te Meclis azaları Eskender Bariyev ve Abmecit Suleymanov ile birlikte Qırım çıqışında Rusiye sıñır bekçileri tarafından yaqalanğan qırımtatar milliy areket iştirakçisi Sinaver Kadırov Ermeni Bazar mahkemesiniñ qararı ile Qırımdan sürgün etilecek.

Faal şunı da qayd etti ki, mahkeme onıñ sağlığı aqqında aytqanlarına qulaq asmadı.

Sinaver Kadırov ekimniñ mesleatına yol alğan edi.

Lâkin Rusiye mahsus hızmetleri oña, çetel vatandaşına kibi, sıñırdan keçüv vaqtında memuriy bozuv aqqında bildirip, bir qaç saatlik «subetlerden» soñ mahkemege alıp kettiler.

Qırım.Aqiqat bildirgeni kibi, yanvar 23-de gece Qırımtatar halqınıñ aq-uqularını qorçalav komitetiniñ koordinatorları Eskender Bariyev, Abmecit Suleymanov (ekisi de Meclis azası ola) ve Sinaver Kadırov Çonğar «Rusiye sıñırında» uquq qoruyıcı organlarınıñ hadimleri tarafından yaqalandılar. Er biri ukrain pasportını kösterdi.

XS
SM
MD
LG