Link açıqlığı

Saatnıñ esas haberi

Meclis: Kadırovnıñ sürgünligi – qırımtatar halqı faallerini taqip etmesiniñ devamıdır


Sinaver Kadırovnıñ sürgünligine Meclis munasebeti
Bekleñiz, lütfen

No media source currently available

0:00 0:01:24 0:00

Sinaver Kadırovnıñ sürgünligine Meclis munasebeti

Qırımtatar milliy areketiniñ faali Sinaver Kadırovnıñ işğal etilgen Qırımdan sürgünligi «qırımtatar halqı faallerini taqip etmesiniñ devamıdır», – dep ayttı Qırımtatar Milliy Meclisiniñ reis muavini Nariman Celâl Qırım.Aqiqatqa Ermeni Bazar mahkemesiniñ qırımtatar faalini yarımadada sürgün etmek qararını izaatlap.

«Belki de, migratsion qanunları bozulğan edi, lâkin bizler akimiyetniñ bunıñ kibi qabaatını qabul etip olamayıq, çünki Qırımnıñ bir çoq sakinini migratsion qanunlarnıñ bozulması boyunca qabaatlamaq mümkün. Bir çoq adam Rusiye pasportını alâ daa almadı, Rusiye vatandaşlığından vazgeçmegenler ise avtomatik sürette Rusiye Federatsiyasınıñ vatandaşları ola», – dep qayd etti Nariman Celâl.

Sinaver Kadırovnıñ özü Qırımdan sürgün etilmesi aqqında mahkeme qararına itiraz bildirecek.

«Men, elbet de, mahkemeniñ işbu qararına itiraz bildirecem. Lâkin buña vaqıt kerek», – dedi o.

Malüm ki, Sinaver Kadırovnıñ apayı Qırımda qaldı, oğlu ise Kiyevde oquy.

Qırım.Aqiqat bildirgeni kibi, yanvar 23-de gece Qırımtatar halqınıñ aq-uqularını qorçalav komitetiniñ koordinatorları Eskender Bariyev, Abmecit Suleymanov (ekisi de Meclis azası ola) ve Sinaver Kadırov Çonğar «Rusiye sıñırında» uquq qoruyıcı organlarınıñ hadimleri tarafından yaqalandılar. Er biri ukrain pasportını kösterdi.

Sinaver Kadırov ekimniñ mesleatına yol alğan edi.

Lâkin Rusiye mahsus hızmetleri oña, çetel vatandaşına kibi, sıñırdan keçüv vaqtında memuriy bozuv aqqında bildirip, bir qaç saatlik «subetlerden» soñ mahkemege alıp kettiler.

XS
SM
MD
LG