Link açıqlığı

Saatnıñ esas haberi

Mahkeme qararı ile qırımtatar milliy areketiniñ iştirakçisi Qırımdan sürgün etilecek


Sinaver Kadırov
Sinaver Kadırov

Уanvar 23 künü Meclis azaları Eskender Bariyev ve Abmecit Suleymanov ile birlikte Qırım çıqışında Rusiye sıñır bekçileri tarafından yaqalanğan qırımtatar milliy areket iştirakçisi Sinaver Kadırov Ermeni Bazar mahkemesiniñ qararı ile Qırımdan sürgün etilecek.

Bunı Qırım.Aqiqat saytına Sinaver Kadırovnıñ özü bildirdi.

«Maheme eki biñ ruble miqdarına para cezasını belgiledi ve sürgün etmek kibi qararını çıqardı», – dedi o.

Faal şunı da qayd etti ki, mahkeme onıñ sağlığı aqqında bildirüvini nazarğa bile almadı.

«Men, elbette ki, mahkemeniñ işbu qararına itiraz bildirmege areket etecem. Amma buña vaqıt kerek», – dep qoştı Kadırov.

Faalniñ aytqanına binayen, mahkeme qararından soñ onı birden politsiya ozğaruvı ile «sıñır»ğa ketirdiler, amma, buña baqmadan, o, qıtaiy Ukrainağa daa çıqmadı, çünki alâ daa pasport nezaretinden keçip olamay.

XS
SM
MD
LG