Link açıqlığı

Qırım müftisi Saudiy Arabistan qıralınıñ vefatı sebebinden taziyelerini bildirdi


Qırım musulmanlarınıñ diniy idaresi ve Qırım müftisi hacı Emirali Ablayev Saudiy Arabistan sakinlerine, yanvar 23 künü 91 yaşında vefat etken qıral Abdullah bin Abdulazizniñ tuvğanlarına taziyelerini bildire.

Bunı QMDİ matbuat hızmeti haber ete.

«Yüce Rabbimiz Oña qaytqan merhumnıñ canına Öz merametini, Öz minnet ve elâllığını eylesin ve oña Ebediy Ayatnıñ nimetlerini bağışlasın», – denile Qırım Müftisiniñ taziyesinde.

Qıral Abdullah tahtqa 2006 senesi keçti, amma amelde Saudiy Arabistanda keçken asırnıñ 90-ncı senelerinden yolbaşçılıq ete edi, çünki onıñ selefi qıral Fadhnıñ ağır hastalığı bar edi.

Abullah orta islâatlarnıñ tarafdarı edi, şu cümleden qadın aqlarınıñ keñişletüvi ve iqtisadiyat saasında devlet idaresiniñ azlaştıruvı, faqat, onıñ saltanatı vaqtında körümli demokratik çevirmeler yoq edi.

Tış siyasette o er vaqıt İranğa nisbeten ciddiy yanaşa ve ğarbiy memleketler ile güzel munasebetlerni qurmağa tırışa edi. Qıral Abdullah memleketi içün adetiy olğan AQŞ ile yaqın munasebetlerni saqlamağa areket ete edi. Analitiklerniñ fikrine köre, yañı qıral kelse de, Saudiy Arabistannıñ tış ve içki siyasetinde körümli deñişmeler olmaz eken.

XS
SM
MD
LG