Link açıqlığı

Saatnıñ esas haberi

Çubarov: FHH hadimleri yaqalanğan Meclis azaları ile uzun «subetlerni» keçireler


Rusiye Federal Havfsızlıq Hızmetiniñ hadimleri Qırım çıqışında yanvar 23 künü yaqalanğan Qırımtatar Milliy Meclis azaları Eskender Bariyev, Abmecit Suleymanov ve qırımtatar milliy areket iştirakçisi Sinaver Kadırov ile uzun «subetlerni» keçireler.

Bunı öz Facebook saifesinde Meclis reisi Refat Çubarov bildirdi.

Onıñ aytqanı kibi, Rusiye mahsus hızmetleri tarafından olğan qabaatlardan biri – Rusiye vatandaşlığınıñ qabul etilmemesidir.

«Ermeni Bazar» kiriş noqtasında işğalci akimiyet vekilleri Qırımdan qıtaiy Ukrainağa yol alğan Qırımtatar Milliy Meclis azaları Eskender Bariyev, Abmecit Suleymanov ve qırımtatar milliy areket iştirakçisi, Sovet Sotsialistik Cumhuriyetler Birliginiñ siyasiy mabüsi Sinaver Kadırovnı endi bir qaç saat devamında tutalar.

Er bir yaqalanğan semetdeşimiz ile FHH hadimleri uzun «subetlerni» keçire. Belli ki, qabaatlar arasında Suleymanov, Bariyev ve Kadırov tarafından Rusiye vatandaşlığınıñ qabul etilmemesi de bar eken», – dep yazdı Çubarov.

Bunıñ ile Qırımda FHH idaresiniñ matbuat hızmeti Qırım.Aqiqatqa bu vaziyetni izaatlamadı. Qırım sıñır hızmetiniñ vekilleri «malümatnı toplay ve, belki de, birazdan izaatını berermiz», dep ayta.

Cuma künü, yanvar 23-de, gece maalde, Qırımtatar halqınıñ aq-uqularını qorçalav komitetiniñ koordinatorları Eskender Bariyev, Abmecit Suleymanov (ekisi de Meclis azası ola) ve Sinaver Kadırov Çonğar «Rusiye sıñırında» uquq qoruyıcı organlarınıñ hadimleri tarafından yaqalandılar.

Olarnı bir vagonğa qapattılar, sıñır nezaret vekilleri ile qavğa yüz berdi, bundan soñ olarğa maşinağa qaytmağa musaade ettiler, faqıt maşina anahtarını tutıp aldılar. Uzun vaqıt devamına qırımtatar faalleri maşinada oturıp, iza subetini keçirecek uquq qoruyıcı organlarınıñ hadimini bekley ediler.

XS
SM
MD
LG