Link açıqlığı

Qırım vaziyeti ile meraqlanğan insan çoqtır. Adiy faşist devleti, meraqlı bir şey yoq. Qırımbizim yañılıqları aqqında. Yañı, meraqlı, oşlu. Demek, nevbet boyunca, Qırımbizim haberleri.

1. Aqyar. Birinci şeer hastahanesiniñ ekimi ile subetleştim, aynı vaziyet – aylıqlar yoq derecede, işten boşatuvlar.

2. Yerli raşka-radiosınıñ haberleri: Ukraina Silâlı Quvetlerinde 100 öldürilgen insan, Novorossiyada – 3 yengil yaralanğan. Olarğa metnni Mosfilm yazamı?

3. Yoğurt alğanda, Obama közlerim ögünde fiyatnı deñiştirdi.

4. Keriç köprüniñ qurucılığı boyunca qarar alâ daa alınmadı.

5. RNKB hadimi Qırım bankları zararına çalışqanını bildirdi. Eger de Rusiye banklarını SWIFTsiz qaldırsalar, mından qaçıp keterler. #ammaqırımbizim

6. Apple tehnikasını Qırımğa satmağa yasaq etti.

7. Cezalar sebebinden PayPal Qırımdan kete. Meraba 20-nci asır.

8. Fevral 1-den Payoneer onlayn-ödemeler sisteması işlemeycek.

9. Tünevin Şçolkino çarşısına damna urdı. Prokuratura tükânlarnı Rusiye talapları boyunca teşkire. Çoqusı qapatıldı.

10. Aqmescit demir yol vokzalınıñ meydanı sükünet ile qarşılay, tek bir qartanaçıq daireniñ kirağa berüvi aqqında levhaçığı ile otura.

11. Qırım vaziyeti ile meraqlanğan insan çoqtır. Adiy faşist devleti, meraqlı bir şey yoq.

12. «Krımenergo»nıñ milliyleştirüvinden soñ Qırım parlamenti banklarara para birjasını devletleştirdi. Endi goblin öz-özüne para bozduruv noqtasıdır.

13. Putin Ahmetovnıñ Krımenergo şirketini öz eline keçirgeninden soñ, anda yatırımcılarnı celp etmek içün silâlı OMON keldi. Zanımca, kene çıraqlarnı satın almaq kerek.

14. Aphanege bardım. Nevretlenem. 1 plastinka yerinde 3 almaq zorunda qaldım. Birer-birer satmaylar, yani 80 ruble yerinde 245 ruble tölemelisiñ.

15. Doğuv şeadetnamelerini elde etmek içün geceden nevbetler tizile.

16. Aqyar. Bir kişiden Rusiye Qırımnı qayğıra, yerli akimiyet ise körmemezlikke urğanı aqqında eşittim. Ğaye tirilüvi: «merametli qıral ve kindar mırzalar».

17. Aqyar şeerinde Federal Migratsion Hızmetiniñ idaresine bardım… Nefretlenem!!!

18. Keriçlilerni Pension fondunda «Poroşenkonıñ yaltaqlarından» çetleşmege çağıralar. Ebet, belâlarmız – huntanıñ qabaatıdır, daa kimniñ ola bilir.

19. Qocaman sefer gemilerini cenüpke ozğara ekenmiz, duyğulanıp, közyaşımıznı sile edik. Rusiye Federatsiyasınıñ Qara deñiz flotunı fişenkler ile ozğaracaqmız.

20. Aqmescit. Tuvğan şeerim nege çevirildi? Göñülsiz insanlar, soñsuz tıqanıqlıqlar, er kes siñirli. Aydın ve bahtlı olğanını sevem. Qayt.

21. Qırımda Donbass qaçaqlarınıñ bulunuv müddetini sıñırladılar. Sen, vatnik, ep «navarosiya»ña inan.

P.S. Aqmescitniñ boş demir yol vokzalına baqam. Ağlaycağım kele, kerçekten.

Krımskiy Banderovets, bloger, faalli, qırımlı

«Fikir» rubrikasında bildirilgen tüşünceler müelliflerniñ noqtaiy nazarını aks ettirip, muarririyetnen aynı olmaması mümkün

XS
SM
MD
LG