İşğal etilgen Keriçte yañı akimet 2015 senesi şeer bayram tedbirleriniñ cedvelini tizgende, er yıl aprel 11 künü qayd etilgen Şeerniñ azat etüv Künü aqqında unuttı.
kerch.com saytı aşkâr etken bayram cedveline 51 medeniy-kütleviy tedbir kirsetildi.
Vesiqağa köre, aprel ayında şeer akimiyeti Pashalya, Qırım anayasa Künü, Radiatsion qaza ve felâket qurbanlarını hatıra Künü ve Yerli idare Künü munasebeti ile tantanalı tedbirlerni keçirmek niyetindedir.
«Aperl 11 künü ile añlaşmamazlıq yüz berdi! Bu doğrudan-doğru şeer bayramıdır – semetdeşlerniñ körüşüvi ya da «Oyun aqımı» kibi tedbirlerden daa müimidir! Qaza kününi qayd etecekler, demek, Keriç şeeriniñ alman işğalcilerinden azat etüv Kününi – kerekmey, nege?»,– dep yaza keriçli Ulyana.
İşğal eilgen Keriç içün yañı bayramlar sırasına – başqa memleketlerde olğan arbiy areket iştirakçileriniñ Künü, fevral ayında qayd etilecek, iyünde – Rusiye Künü, iyülde – Rusiye vaftizi Künü, avgustta – Rusiye Federatsiyası devlet bayrağı Künü, dekabrde – Rusiye Anayasa Künü kire.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
