Yermay fiyatınıñ tüşmesi ve Rusiye federal bücetiniñ qısqartuvı 2020 senesine qadar Qırım federal okrugınıñ içtimaiy-iqtisadiy programmasına kirsetilgen Qırım leyhalarına tesir etmez, dep tüşüne Qırım «başı» Sergey Aksönov.
Bunı o brifing devamında jurnalistlerge bildirdi.
«Federal yekâne programmasına tesir etmez. Prezident Qırım – muqaddes olğanını bildirdi. Qırımğa böyle miqdarda para iç bir vaqıt kelmey edi, bundan sebep, Qırım içün federal yekâne programmasınıñ qaıqartuvı olmaz», – dedi Aksönov.
Brent yermaynıñ fiyatı yanvar 21 künü bir barrel içün 49 dollardan aşağı tüşti. 2014 senesiniñ neticelerine köre, yermay fiyatı eki qat ücüzlaştı.
