Donbasstaki zıddiyet beş biñden ziyade insannıñ ölüm sebebi oldı, on biñlernen insan yaralandı, aman-aman bir million kişi evini terk etmege mecbur oldı – bu raqamlarnı OSCE monitoring missiyasınıñ vekili Maykl Bokurçiv aydınlata.
BBC bildire ki, eki tarafnıñ malümatına köre, soñki kün içinde 34 insan öldürildi. Olarnıñ arasında yerli sakinler de bar – Donetskte yanvar 22-de açılğan ateş qurbanı, ve uruşlarda elâk olğan 10 ukrain askeri.
Öz başına ilân etilgen Donetsk halq cumhuriyetiniñ komandan muavini Eduard Basurinniñ bildirgenine köre, daa on kişi Gorlovkada öldürildi, bir qadın – Luganskta.
