Donetskte trolleybus durağına açılğan ateş neticesinde adamlar elâk oldı. Bunı Rusiye kütleviy haber vastaları, em de içtimaiy ağlarnıñ qullanıcıları bildire.
Berilgen malümatqa köre, 9 kişi elâk oldı, daa bir qaç insan yaralandı.
«Bizim malümatımızğa köre, №3 tramvaynıñ durağında yüz bergen patlav aqibetinde 9 insan elâk oldı, daa 9 kişi yaralandı», – dep tekrarlay RİA Novosti agentligi «DNR» birleşmesiniñ vekili Eduard Basurinniñ aytqanlarını.
Yanvar ayında Donbassta cemaat naqliyatında eki kere bir çoq adam elâk oldı. Yanvar 13-te Volnovaha civarında avtobusqa açılğan ateş neticesinde 12 insan elâk oldı, 16 adiy kişi ve eki asker yaralandı.
Arbiyler «terakt» maddesi boyunca cinaiy iş açtılar.
OSCE missiyası bildirdi ki, keçirilgen tedqiqler neticelerine köre, patlav yerinde boyevikler zapt etken yerlerden atılğan raketalarnıñ izleri mevcut.
