Link açıqlığı

Göñülli ve jurnalistler: ukrain askerleri Donetsk ava limanındaki yañı terminal viranelerini terk ettiler


Ukrain askerleri Donetsk ava limanındaki yañı terminal viranelerini terk ettiler. Bunı jurnalist ve göñülliler bildirdi.

«Mudafaanıñ tayama noqtası olaraq qullanıla bilgen yañı ve eski terminal, idare külesi bütünley yoq etildi. Ava limanına dos-doğru ateş açıla, lâkin sağ qalğan imayeciler tek bugün binanıñ yañı terminalını terk ettiler», – dep yazdı yanvar 22-de gece «Tsenzor.net» neşiriniñ baş muarriri Yuriy Butusov.

«Oğlanlarnıñ bir qısmı ava limanını terk etti, daa bir qısmı esaretke tüşti. Virane altında sağ qalğan askerler bar olması mümkün», – dep ayttı göñülli Georgiy Tuka. «Yañı terminal viranelerini terk etkenimiz cenk strategiyasında bir şeyni deñiştirmey. Küreş devam ete, ve soñuna qadar yañı terminalda cenkleşkenlerniñ hatırasına bizler küreşecekmiz ve ğalebe qazanacaqmız», – dep qayd etti Butusov. Yañı terminal mudafaasınıñ toqtatılması aqqında resmiy malümat daa yoq.

Ukrain askerleri Donetsk ava limanınıñ yañı terminalını 242 kün devamında imaye ettiler – 2014 senesi mayıs 26-dan itibaren.

XS
SM
MD
LG