Link açıqlığı

Poroşenko: Ukraina toprağınıñ 7% işğal altında, memlekette 9 biñ Rusiye askeri buluna


Ukraina prezidenti Petro Poroşenko Davostaki Bütündünya iqtisadiyat forumında çıqışta bulunıp, ateş altında qalğan avtobus parçasını köstere

Ukraina prezidenti Petro Poroşenko bildirdi ki, al-azırda Ukraina toprağınıñ 7% işğal altında bulunmaqta. Bunı o Davostaki Bütündünya iqtisadiyat forumı çerçivesinde «Ukrainanıñ kelecegi» sessiyasında çıqışta bulunıp ayttı, – dep haber ete UNİAN.

«Şimdi Ukraina tarihında eñ qıyın vaqıtları. Ukraina istilâ altında, yalıñız Qırım işğalinden soñ istilâ degil, Donetsk ve Lugansk vilâyetleriniñ 7% da işğal etilgen», – dedi o.

Petro Poroşenko Davostaki Bütündünya iqtisadiyat forumında çıqışta bulunıp, Rusiye Ukrainağa 9 biñden ziyade askerini yolladı, dep qayd etti.

Radio Svoboda bildire ki, Ukraina prezidenti Rusiyeden Minsk añlaşmalarına köre vazifelerniñ yerine ketirilmesi, «Ukrainadan çetel ordularınıñ çıqarılmasını» talap etip, Ukraina-Rusiye sıñırınıñ qapatılması kerekligini qayd etti.

Poroşenkonıñ bildirgenine köre, al-azırda «Ukrainada Rusiyeniñ 9000 askeri, 500 tankı, ağır topları ve BTRleri mevcut».

Poroşenko dedi ki, soñki künleri Rusiye Ukrainağa qoşma ordu, tank ve BTRlerni yolladı.

Rusiye tış işler naziri Sergey Lavrov bu qabaatlarnı red etip, olarnı «sebepsiz» dep adladı.

XS
SM
MD
LG