Link açıqlığı

Ukrain naqliyat inspektsiyası: Qırım ile avtobus alâqalarınıñ toqtatılması – vaqtıncadır


Qırım ve terrorizmge qarşı tedbirler keçirilgen Donetsk vilâyetinde yolcularnıñ taşımalarını toqtatmaq qararı vaqtınca qabul etilip, bütün naqliyat qanunlarına riayet ete, dep qayd etti yerustü naqliyatında havfsızlıq devlet inspektsiyası (Ukrtransinspektsiya) reisiniñ birinci muavini Vladimir Balin OSCE közeticileri ile körüşüvde.

Bunı Ukrtransinspektsiyanıñ matbuat hızmeti bildire.

«Ukraina iç bir vaqıt Qırım işğalini tanımayıp, onı qaytarmaq içün elinden kelgenini yapacaq, lâkin şimdilik taşıyıcılarnı nezaret etip olamayıq ve yarımadada yolcularnıñ havfsızlığını temin etip olamayıq, onıñ içün taşımalarnı toqtatmaq qararına keldik. Bu yasaqlar adamlarğa bir sıra qıyınlıqlar çıqara ve taşıyıcılarğa da zarar ketire, lâkin şimdilik, maalesef, başqa çaremiz yoq», – dedi Balin.

2014 senesi dekabr 26-da Ukraina Rusiye tarafından işğal etilgen Qırım ile naqliyat alâqalarını toqtattı.

Bu afta kütleviy haber vastaları Aqmescit avtovokzalınıñ hadimine esaslanıp, qıtaiy Ukraina ile avtobus alâqaları qısmen ğayrıdan tiklenildi, dep bildirdi. Lâkin Ukrtransinspektsiya bu malümatnı red etti.

XS
SM
MD
LG