Link açıqlığı

Advokat: Moskvada Cemilevniñ Federal migratsion hızmetine davası boyunca mahkeme toplaşuvı keçirilecek


Cumaaqşamı künü, yanvar 22-de, Moskvada qırımtatarlarnıñ milliy yetekçisi Mustafa Cemilevniñ Federal migratsion hızmetine davası boyunca mahkeme toplaşuvı keçirilecek. Cemilev Qırımğa kirişi yasaq etilgenine itiraz bildire.

Bunı advokat Mark Feygin twitterde bildirdi.

Advokatnıñ malümatına köre, mahkeme toplaşuvı saat 15:00 başlanacaqtır.

Mustafa Cemilevge işğal etilgen Qırımğa kiriş yasaq etilgeni sebebinden dava daa 2014 senesi oktâbr ayında açılğan edi.

2014 senesi baarde Cemilevge Qırımğa kirişini 5 yılğa yasaq ettiler, birazdan, iyül ayında, mütenasip qarar Qırımtatar Milliy Meclisiniñ reisi Refat Çubarovğa da nisbeten alınğan edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG