Saba, yanvar 21 künü, Keriç keçitiniñ yük ve yolcu yolağında nevbette 400-den ziyade maşina tura.
Bu aqta Yekâne naqliyat müdirliginiñ matbuat hızmetiniñ beyanatında aytıla.
Müessiseniñ malümatına köre, «Kavkaz» limanında 28 yengil ve 50 yük maşinası tura, «Krım» limanında – 2 yengil ve 15 yük maşinası. Yük yolağında: «Novorossiysk» limanında – 61 maşina, Slavânsk-na-Kubani – 130, Keriçte – 145 maşina.
«Al-azırda Keriç boğazı rayonında yel küçü 5 m/s yete. Keçken kün devamında 1214 maşina ve 4184 yolcu avuştırıldı», – denile beyanatta.
Müdirlikte şunı da qayd ettiler ki, «Krım» limanında iskeleniñ tamir işleri devam etkenine qadar, yanvarniñ 28-ne qadar, parom qatnavınıñ yañı cedveli qullanıla.
Salı künü, yanvarniñ 20-de, Keriç keçitinde 330 maşina tura edi.
