İşğal etilgen Qırımda «Mayıs 3 künü işi» boyunca faalerni «içtimaiy ceetten areketçen olğan insanlarnı toqtatmaq» içün yaqalaylar. Bunı Qırım.Aqiqat saytına Qırımtatar halqınıñ aq-uquqlarını qorçalav komitetiniñ reberi Eskender Bariyev bildirdi.
«Tünevin milliy areket iştirakçisiniñ oğlunı yaqaladılar, sentâbr ayında ana-babasınıñ evinde tintüv keçirilgen edi, oktâbr ayında ise mahkeme qararı ile anasına mayıs 3-te qırımtatarlarnıñ lideri Mustafa Cemilevni Qırımğa kirsetmegen künü yolnı qapatqanından sebep 10 biñ rublelik para cezası berildi. Menimce, Qırım toplulığına bir imadır ve Qırımda noqtaiy nazarı muayyen olğan faallerni toqtatmaq içün yapılğan bir arekettir», – dedi Bariyev.
O, bu kibi yaqalav tedbirlerniñ ileride de devam etecegini bildirdi, amma soñra «biz qırımlılarğa nisbeten etilgen qanun bozuluvları aqqında bütün dünyağa bildirmege tırışamız», dep qoştı.
Bazarertesi künü, yanvar 19-da, Qırımtatar halqınıñ aq-uquqlarını qorçalav komitetiniñ reisi Eskender Bariyev Facebookta bildirdi ki, Edem Osmanovnı qoranta azalarınıñ yanında yaqaladılar. Yaqalanğannı Rusiye Federatsiyası Cinaiy kodeksiniñ 381-inci maddesiniñ 1-inci qısmı boyunca («Akimiyet vekiline qarşı küç qullanması») qabaatlaylar.
Dekabr 1 künü Türkiye prezidenti Recep Tayip Erdoğan Rusiye Federatsiyasnıñ prezidenti Vladimir Putin ile körüşti. Memleket yetekçileri mayıs 3 künü Qırımda yüz bergen adisler ile bağlı cinaiy işlerniñ ğayrıdan baqılması aqqında añlaştılar. Neticede SİZOdan Mustafa Cemilevni Ermeni Bazarda qarşılağan bir qaç insan azat etildi. Şu cümleden, Edem Ebulisov, Tair Smedlâyev, Musa Apkerimov, Rustam Abdurahmanov.
