Link açıqlığı

Kоlesniçenko Aqyarda yaşay ve oña nisbeten açılğan işni «piar» olaraq tanıy


​«Regionlar firqası»ndan halq deputatı Vadim Kоlesniçenko

«Regionlar firqası»ndan halq deputatı Vadim Kоlesniçenko Ukrainada oña qarşı cinaiy işniñ açılğanı aqqında haberi olmağanını bildirdi ve bunı «qorqutuv ve şantaj» maqsadı ile yapılğan «piar» olaraq tanıy eken. Bunı o, salı künü, yanvarniñ 20-de, Radіo Svobodağa bildirdi.

«Bu piar aktsiyanı Ukrainada yaşağan ve özüni demokratik akimiyet dep adlağan akimiyetniñ qanunsız areketleri ile razı olmağan vatandaşlarnı qorqutmaq ve şantaj emtek içün bir ıntıluv olaraq tanıyım», – dedi Kоlesniçenko.

«Meni qıdıruvğa ilân etkenleri aqqında haber küldürtti», – dep qoştı sabıq parlamentariy.

Vadim Kоlesniçenko alâ daa Aqyarda yaşağanını bildirdi.

«Anayasa ve qanuniyette menim sanki cinaiy faaliyetimni tasdiqlaycaq iç bir delil olmağanını eminlik ile ayta bilem», – dedi o.

Yanvar 16 künü Ukraina Havfsızlıq Hızmetiniñ reisi keñeşçisi Markiyan Lubkivskiy Vadim Kоlesniçenko ve 7-nci çağıruvnıñ halq deputatı Nikolay Levçenko qıdıruvğa ilân etilgenini bildirdi.

XS
SM
MD
LG