İşğal etilgen Qırımda yanvar 20 künü Rusiye prezidenti Vladimir Putinniñ «qabul odasında» nevbetteki sefer vatandaşlarnı qabul ettiler.
Qırım ükümetiniñ matbuat hızmeti bergen malümatqa köre, insanlarnı FSB yerli idaresiniñ reberi Viktor Palagin ve Pension fondu Qırım bölügi reberiniñ muavini Dmitriy Kiriçenko qabul ettiler.
«Qırımlılar Qırımda FSB faaliyeti çerçivesinde olğan meseleler boyunca mesleat ve cumhuriyette nefaqanıñ berilmesi boyunca suallerine cevap aldılar. Arizacılarğa cevaplar yazma şeklinde yollanılacaq»,– denile beyanatta.
Evel bilidirilgeni kibi, yanvar 15-den Rusiye prezidentiniñ Qırımdaki qabul odasında vatandaşlarnıñ Qırım akimiyet organlarınıñ temsilcileri ile körüşüvleri keçirile.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
