Link açıqlığı

Matbuat vastaları: Frenkistanda teraktnıñ azırlanuvında şeklengen Rusiyeniñ beş vatandaşını yaqaladılar


Frenkistandan teraktnıñ azırlanuvında qabaatlanğan Rusiyeniñ beş vatandaşı yaqalandı. Tahmin etilgeni kibi, insanlar Çeçenistandan kelgenler. Bunı salı künü, yanvar 20-de, France-Presse agentligine esaslanıp, «Dojd» telekanalı yaza.

Europe-1 malümatına köre, yaqılanğanlar – Çeçenistandan kelgen Rusiye vatandaşları. Olarnı bazarertesi aqşam, yanvarniñ 19-da, Frenkistan cеnübinde Bezye şeeri Ero departamentinde yaqaladılar.

Şimdi, malüm olğanı kibi, rusiyeliler apiste buluna.

Russia Today bildirgenine köre, Pariste Rusiye elçihanesi rusiyelilerniñ Frenkistanda teraktnıñ azırlanuvında şeklengeni aqqında şimdilik haberdar degildir.

Midi Libre frenk gazetası şu insanlardan biri – Bezye, daa dörtü – Monpelye regionında yaqalanğanını bildire. Bezyede, Sokliyer stadionı yanında patlav aleti tapılğan edi.

XS
SM
MD
LG