Link açıqlığı

Qırımda Rusiye bayraqları altında «Cumhuriyet Kününi» qayd ettiler


Salı künü, yanvarniñ 20-de, işğal etilgen Qırımda «Cumhuriyet Kününi» qayd ettiler.

Qırım.Aqiqat mühbiri aytqanı kibi, Aqmescitte «Cumhuriyet» bağçasında öz başına tayin etilgen akimiyet vekilleri gülçemberlerni qoyğan ekenler.

Bağçada 100-den ziyade insan toplandı, esasen studentler ve ellerinde Rusiye, Qırım ve «Yedinaya Rossiya» firqasınıñ bayraqlarını tutqan «halq imayesi»niñ vekilleri.

Bundan soñ Lenin meydanında Qırım «ükümeti»niñ binası yanında kontsert keçirildi, seyircilerniñ esas qısmı – nefaqacılar edi.

1996 senesi Qırım Muhtar Cumhuriyetini devletniñ ayırılımaz bir qısmı olaraq belgilegen maddeler Ukraina Anayasasında qayd etilgen edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG