Link açıqlığı

Qırımtatar Milliy Meclisiniñ tışqı alâqalar bölüginiñ reberi Ali Hamzin Herson vilâyetinde qırımtatar halqı içün milliy cumhuriyetni quruv leyhasını «büyük bir hata» olaraq tanıy. Aynı vaqıtta bu leyha Türkiyede yaşağan qırımtatar halqınıñ diasporası sayesinde amelge keçirile bile, dep tüşüne.

Bunı o Qırım.Aqiqat mühbirine bildirdi.

«Bazıları bu imkânsız olğanını aytalar, lâkin men mesüliet ile bildirem ki: Türkiyedeki semetdeşlerimiz köçip, «Herson» leyhasında iştirak etmege azırlar, lâkin olarğa Ukraina vatandaşlığını berip, Türkiye vatandaşlığını da saqlamağa imkân bermeli. Bu vaziyette er şey prezident Poroşenkoğa bağlı», – dedi Hamzin.

Onıñ zanınca, qırımtatarlarnıñ lideri Mustafa Cemilev halqqa resmiy şekilde muracaat etmese, Herson vilâyetinde milliy cumhuriyet qurulması aqqında aytmaq mümkün degil.

Qırımtatar Milliy Meclisi Qırım Muhtar Cumhuriyetine Herson vilâyetiniñ bir qaç rayon qoşulmasına qoltuttı. Böyle bir ğaye Rusiyeniñ Qırım işğalinden soñ peyda oldı.

Ekspertler mezkür ğaye daa baqılmalı ve azırlanmalı, dep bildireler.

XS
SM
MD
LG