Link açıqlığı

Qırımdaki Ukraina vatandaşları içün memuriy ve uquqiy hızmetler haritası azırlandı


«Novaya generatsiya» gençler teşkilâtı qırımlı Ukraina vatandaşlarına informatsion ve uquq ceetinden qoltutmaq içün online haritanı azırladı. İşbu hızmetler Herson vilâyetiniñ devlet müessiselerinde kösterile.

Bunı teşkilâtnıñ resmiy Facebook saifesinde bildireler.

Böylece, haritada Herson ve Herson vilâyetinde memuriy hızmet köstergen müessise ve teşkilâtlarnıñ iş künleri ve kontakt malümatları bar.

Bundan evel Herson vilâyetinde qırımlı Ukraina vatandaşları içün memuriy yardım boyunca telefon ağı qurulğan edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG