Link açıqlığı

Qurultay delegatını bir qaç saat devamında Qırımğa kirsetmey ediler – Qırımtatar Milliy Meclisi


Bazarertesi künü, yanvar 19-da, aqşam saat doquz buçuqta «Armânsk» Qırım kiriş noqtasında Qırımtatar Milliy Meclis azası, Qurultay delegatı Emine Avamilevanı eki saat devamında Qırımğa kirsetmegey ediler.

Bunı Meclisniñ matbuat hızmeti bildire.

«Belli cemaat erbabı, adliyeci, dört balanıñ anası Emine Avamileva sebepsiz Rusiye sıñır hızmetiniñ hadimleri tarafından eki saatke yaqalandı: onıñ eşyaları baqıldı, subet keçirildi, kelgen maşina eki kere baqıldı, pasport ve telefonı alındı, Avamileva kelgen maşinada olğan fleşka alındı. Bundan soñra kene de bir şey añlatmayıp, eşyalarnı qaytardılar ve keçmege izin berdiler», – aytıla beyanatta.

Meclis bunıñ kibi areketlerni «psihologik basqı» dep adladı.

«Belli ki, Meclis azaları ve Qırımtatar Milliy Meclisiniñ delegatlarına nisbeten keçirilgen «tedbirler» psihologik basqı maqsadı ile yapıla», – aytıla Meclis beyanatında.

Qırımtatarlarnıñ temsil organı bildirdi ki, «ayrı şahıslar akimiyet vekilleri tarafından yapılğan basqığa baqmadan, insan aqlarınıñ bozulmasını red eteler».

«Kendi halqnıñ menfaatları içün areket etecegini bildirgen şahıslar dost devletleri, misal olaraq, Türkiye Cumhuriyeti tarafından yapılğan resmiy tenbilerge qulaq asmaylar», – qayd eteler Mecliste.

Salı künü, yanvar 19-da, daa bir qırımtatarı «Ermeni Bazar işi» boyunca yaqalandı. Onı 2014 senesi mayıs 3-te qırımtatar halqınıñ lideri Mustafa Cemilevni qarşılağanda politsiya hadimine qarşı küç qullanmasında qabaatlaylar.

Milletlerara munasebetler ve sürgün olunğan grajdanlarnıñ işleri boyunca Qırım «devlet komitetiniñ» reisi Zaur Smirnov Qırımda qırımtatarlarnıñ aq-uquqları sıñırlana degen malümatnı yañlış ve adaletsiz dep adlandırğan edi.

XS
SM
MD
LG