Link açıqlığı

Köçip kelgenler Kiyevdeki Rusiye elçihanesi yanında «Qırım – Ukraina» olğanını hatırlatacaqlar


Qırımdan mecburen köçip kelgen insanlar salı künü, yanvar 20-de, «Qırım Muhtar Cumhuriyeti Kününde», Kiyevdeki Rusiye elçihanesi yanında piket ötkermege toplaşalar. Tedbir «Qırım – Ukraina» adı ile keçirilecek.

Miting teşkilâtçıları – «Qırımdan köçip kelgenlerniñ teşkilâtlarnıñ koordinatsion şuras» cemaat teşkilâtı Qırım.Aqiqatqa bergen malümatqa köre, aktsiya Kiyev saatine köre saat 10:00 başlanacaq. Er kesni Vozduhoflotskiy cadddesi, 27 adresi boyunca Rusiye elçihanesine davet eteler.

Aktsiya iştirakçileri Qırımnıñ qomşu devlet ordularından ve işğalden azat etmege çağıracaqlar.

«Diyarımıznıñ işğali ile iç bir vaqıt razı olmamız. Rusiyeliler Vatanımıznı terk etmek kerekler. Devletimizde Rusiye askerleri olmamalı. Rusiye – işğalci devlet olğanını dünyanıñ aman-aman er bir memleketi tanıdı», – dep bildire teşkilât azası Sergey Mokrenük.

1996 senesi Qırım Muhtar Cumhuriyetini devletniñ ayırılımaz bir qısmı olaraq belgilegen maddeler Ukraina Anayasasında qayd etilgen edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG