Harkovda Moskva rayon mahkemesi yanında patlav yüz berdi, yaralanğan adamlar bar. Bunı Harkov vilâyet prokuraturasınıñ matbuat kâtibi Vita Dubovik Radio Svobodağa bildirdi.
İlk malümatlarğa köre, 12 kişi yaralandı, altısı hastahanede buluna.
Vaqia yerinde mütehassıslar ve uquq qoruyıcılar çalışmaqta.
Diger malümat yoq.
Yanvar 16-da Harkov vilâyetiniñ Şebelinka stantsiyasında demir yol yaqarlıq tsisternasına ateş açıldı, onıñ neticesinde yanğın yüz berdi.
Noyabr ve dekabr ayları devamında Harkovdaki arbiy bölük ve demir yolları yanında bir sıra patlavlar yüz berdi. Militsiya «patlav vastasınen mal-mülkni yoq etüv» maddesi boyunca patlavlarnı ögrene. Harkov merkezinde noyabr 9-da olıp keçken patlav «terakt» olaraq taqiq etile.
Berilgen malümatqa köre, Ukraina havfsızlıq hızmeti bir sıra patlavlarnı «Harkov partizanları» birleşmesiniñ faaliyeti ile bağlaylar.
