Link açıqlığı

Keçken sene Qırım Rusiye tarafından işğal etilgeninden soñra, içtimaiy ağlarda nice qavğa qopqan edi. Çünki, halqara toplulıq işğalni tanımasa bile, şirketlerden bazıları yarımadanı Rusiye toprağı olaraq aks ete edi. Bu afta içtimaiy ağlarnıñ qullanıcıları topografik qarışıqlıq sebebinden öz hoşnutsızlığını bildire ediler. Bunıñ ile bloglarda Oles Buzninniñ «Segodnâ» gazetasınıñ baş muarriri olğanını ve peyda olacaq yañı rus adlarını muzakere ete ve Rusiye poçtacılarınıñ yañı kiyimi ile Yanukoviçniñ İnterpol tarafından qıdıruvı üzerinde şaqalaşa ediler.

Halqara toplulığı Qırımnıñ Rusiye tarafından işğalini tanımasa ve Moskva areketlerini takbih etse bile, yarımada haritası ile er vaqıt nasıldır bir qarışıqlıq yüz bere. Böyleliknen, Moskvada Dünya çempionatı-2018 resmiy tuğrası taqdim etilgende, Qırımnıñ Rusiyege qoşuluvını aks etken videonı kösterdiler. Yani, Yandeks Ukraina sıñırlarını, qullanıcılarınıñ bulunuv yerine köre, deñiştirmege qarar aldı: ukrainliler içün Qırım – Ukrainadır, rusiyeliler içün – Rusiye. Amma bu aynecilikni içtimaiy ağlarnıñ qullanıcıları tez taptı.

Yanvar 14 künü halq deputatı Sergey Leşçenko «MTS» mobil operatorınıñ saytında Ukraina haritası Qırım yarımadasız olğanını qayd etti. Sabıq jurnalist skrinşot etip, beyanatnı öz Facebook saifesinde aşkâr etti.

Ukrain blogerleri özüni bekletmeyip, buña tez seslendiler. Coğrafik deñevlerine cevap olaraq blogerler mobil operatorına boykot ilân ettiler. İçtimaiy ağlarnıñ qullanıcıları «MTS» operatorınıñ qırılğan sim-kartlarınıñ fotoları ile paylaştılar.

Birazdan şirket içtimaiy ağlarda olğan açuvğa seslenip, saytında işğal etilgen Qırımnı Ukraina haritasına qoştı. Facebook mobil operatorı topografik qarışıqlıqnı añlattı, amma, tefsirlerge köre, qullanıcılar böyle cevapnı alğışlamadılar.

Ninel yerine Donara keldi

1917 senesi Oktâbr inqilâbından soñra rus tilinde ecnebiy adlarnıñ sayısı ep arttı. Olardan bazılarını halqara kommunistik areketi ile bağlay ediler (misal içün Roza – Roza Lüksemburg şerefine), başqaları ise diger halqlardan kelip, yañı manağa saip oldılar: Gertruda – «geroinâ truda» («emek qaramanı»), Elina – «Elektrifikatsiya, industrializatsiya», Zarema – «za revolütsiyu mira» (dünya inqilâbı içün), Renat – «revolütsiya, nauka, trud» (inqilâp, ilim, emek), Ninel – işbu ad soñundan oqulğan vaqıtta, Vladimir Leninniñ soyadına oşağanı sebebinden Sovet zamanları pek mot olğan edi.

Jurnalist Andrey Degtârenko, tarihiy tecribege esaslanıp, Putinni, Rusiye tarafını tutqan boyeviklerni qaraman sayğan ve Ğarpnı sevmegen ana-babalar öz balalarına nasıl ad qoyacaq kibi sual üzerinde tüşündi.

Sabıq prezident içün içtimaiy ağ

Yanvar 12 künü İçki işler naziri Arsen Avakov öz Facebook saifesinde Ukraina prezidenti Viktor Yanukoviç İnterpol tarafından qıdıruvğa ilân etilgeni aqqında bildirdi.

İçtimaiy ağlarnıñ qullanıcıları bu haberni mizah ile qarşıladılar.

Şu künü içtmaiy ağlarda şaqa peyda oldı:

« – Baq, Yanıç, fotolarımız İnstagramda peyda oldı!

– İnstagramda degil, Viktor Födorıç, İnterpolda…»

Buzinniñ tayin etilmesi

Yanvar 13 künü «Segodnâ» ukrain gazetasınıñ saibi Rinat Ahmetov Oleg Buzinni neşirniñ baş muarriri vazifesine tayinledi. Böyle qarar içtimaiy ağlarnıñ qullanıcılarını şaşırttı.

Şu cümleden, tasil ve ilim naziri Sergey Kvit öz Facebook saifesinde böyle yazdı: Kerçek olsa, «Segodnâ» gazetasınıñ jurnalistleri maña muracaat etmesinler, dep rica etem».

Rusiyeniñ «sarı-mavı» poçtası

Bu afta içtimaiy ağlarda eñ canlı mevzulardan biri – Üçünci Reyhniñ kiyimini añdırğan Rusiye poçtacılarınıñ yañı urbası oldı.

Soñra Rusiye poçtası öz Facebook saifesinde kiyimleri mavı olğanını bildirdi, amma qullanıcılarnı bu cevap endi toqtatmadı.

Maqalede http://durdom.in.ua saytından alınğan resimler qullanıldı

Radіo Svoboda​

XS
SM
MD
LG