Link açıqlığı

«QMC Künü»nde Qırımdan köçip kelgenler Rusiye elçihanesi yanında numayışnı keçirecekler


Yanvar 20-de, «Qırım Muhtar Cumhuriyeti» kününde Qırımdan mecburen köçip kelgenler Kiyevde Rusiye elçihanesi yanında numayışnı keçirecekler.

Qırım.Aqiqat bildirgeni kibi, numayış teşkilâtçıları elçihane yanında «Qırım – Ukrainadır» serlevalı aktsiyanı keçirecek olalar.

Olarnıñ malümatına köre, qırımlılar Qırımnıñ qomşu devlet ordularından ve işğalden azat etmege çağıracaqlar.

«Diyarımıznıñ işğali ile iç bir vaqıt razı olmamız. Rusiyeliler Vatanımıznı terk etmek kerekler. Devletimizde Rusiye askerleri olmamalı. Rusiye – işğalci devlet olğanını dünyanıñ aman-aman er bir memleketi tanıdı», – dep bildire teşkilât azası Sergey Mokrenük.

Numayış salı künü, Kiyev vaqtı boyunca saat 10:00, Vozduhoflotskiy caddesi, 27 adresi boyunca başlanacaq.

1996 senesi Qırım Muhtar Cumhuriyetini devletniñ ayırılımaz bir qısmı olaraq belgilegen maddeler Ukraina Anayasasında qayd etilgen edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG