Link açıqlığı

Bazar künü, dekabr 18-de, Harkov soqaqlarına Donbass arbiy areketleriniñ qurbanlarını añmaq içün eki biñden ziyade insan çıqtı.

Numayış iştirakçileri Azatlıq meydanında toplandı. Anda uzunlığı 100 metr olğan Ukraina bayrağını yaydılar.

Meydandan narazılıq iştirakçileri milliy timsaller ile Konstitutsiya meydanına yol aldılar.

Yürüş iştirakçileri «Donbass – Ukraina», «Qırım – Ukraina», «Men – Volnovaha» kibi şiarlarnı seslendire, Ukraina milliy gimni ve Rusiye prezidenti aqqında belli yırlarnı icra ete ediler.

Bundan da ğayrı, insanlar «DHC» ve «LHC» terroristik teşkilâtlar kibi tanımağa talap ete ediler.

Tedbirge Maydan qaramanlarınıñ soy-sopları, v vilâyetiniñ valisi İgor Baluta ve Ukraina İçki işler naziriniñ keñeşçisi Anton Geraşçenko qoşuldılar.

«Men bugün mında Harkov sakini, Ukraina vatandaşı olaraq Putinniñ terrorizmine «yoq» aytmağa isteyim. Eminim ki, biz yeñermiz, çünki tarih bizim tarafımızdadır, Putinniñ yeri ise Kaddafi ve Gitlernen bir sırada olacaqtır. Bir kün Şimaliy Koreyağa qaçıp, anda saqlanmağa mecbur olacaq», – dep ayttı Geraşçenko.

Volnovaha qurbanlarını añmaq içün insanlar memleketniñ diger şeerlerinde, şu cümleden Kiyevde de Barışıq yürüşine çıqtılar.

XS
SM
MD
LG