Link açıqlığı

Ramzan Kadırov peyğamberge yapılğan karikaturalarğa qarşı yürüşke çıqacaq insanlarnıñ sayısını aydınlattı


Ramzan Kadırov

Çeçenistan prezidenti Ramzan Kadırovnıñ tahminlerine köre, Muhammed peyğamberine yapılğan karikaturalarğa qarşı yürüşke milliondan ziyade insan çıqacaq.​

«Bugün bizler Muhammed Peyğamberine (s.a.v.) yapılğan karikaturalarnıñ bastırılmasına qarşı numayışnıñ azırlıq ketişatını muzakere ettik, – dep yazdı o Instagramda. – 500 biñ insan toplaşacağını beklegen edik. Lâkin soñki malümatlarğa köre, numayışçılarnıñ sayısı milliondan ziyade olması mümkün. Bu Çeçenistan cumhuriyeti ve Rusiye Federatsiyasınıñ diger cumhuriyet sakinleridir».

Malüm ki, bazar künü, yanvar 11-de, Pariste yanvar 7-9 künleri Frenkistanda olıp keçken teraktlarnıñ qubanları barışıq yürüşinde añıldı. Frenkistan akimiyetiniñ malümatına köre, tedbirde 1,5 million insan iştirak etti.

XS
SM
MD
LG