Link açıqlığı

Biñlernen musulman bütün dünyada soqaqlarğa çıqıp, Charlie Hebdo satirik mecmuasında Muhammed peyğamberine karikaturalarnıñ bastırılmasına qarşı narazılıq köstere, dep haber ete Radio Svoboda.

Pakistannıñ Karaçi şeerinde politsiya tayaq, közyaş aqtıracı gaznı qullanıp, «Camaat-e-İslami» din teşkilâtı ile bağlı olğan 200 studentni dağıtmağa tırıştı. Çatışmalarda eñ azından üç kişi yaralandı.

Numayışçılar ve politsiya arasında çatışmalar Urdunda da yüz berdi. Çatışmalar uquq qoruyıcılar Ammandaki Frenkistan Elçihanesi yanında yürüş ötkermege imkân bermegen soñ başlandı.

Charlie Hebdo neşirine qarşı aktsiyalar Cezair, Suriye, İndistan ve Filippinde olıp keçti. Filistinliler Qudusta narazılıq bildirdiler.

Yanvar 7-de Frenkistanda Charlie Hebdo muarririyetine yapılğan ücüm ile bir sıra öldürüvler başlandı. Üç kün içinde 17 insan elâk oldı, şu cümleden 3 nefer politsiya hadimi. Eki mahsus tedbir devamında cuma künü üç terrorist yoq etildi.

XS
SM
MD
LG