Link açıqlığı

ATO ştabı: boyevikler bir künde ukrain arbiy adamlarına 37 kere ateş açqanlar


Boyevikler yanvarniñ 16-da, bir kün devamında, ATO quvetlerine 37 kere ateş açqan edi. Bunı ATO matbuat hızmeti öz Facebook saifesinde bildirdi.

«Saat 6:00-18:00 qadar qanunsız silâlı teşkilâtlar ukrain arbiylerniñ noqtalarına 37 kere ateş açqan edi», – denile beyanatta.

Matbuat merkeziniñ malümatına köre, boyevikler «Grad» tertibatından Lugansk vilâyeti Sçastye, Trehizbenka ve Krımskoye, Donetsk vilâyetinde ise Nikolayevkağa ateş açqan edi.

Bunıñ ile Marinka ve Orlovo-İvanovka yanında ücüm yüz berdi.

Evel ATO matbuat hızmeti Donetsk ava limanında kün devamında küreş devam etkeni aqqında bildirgen edi. Boyevikler minomöt ve «Grad»lardan ateş aça ve ukrain arbiylerine qarşı zeerli gaznı qullana edi.

XS
SM
MD
LG