Qarasuvbazarda qurulğan cami qapıları müminler içün baarde açılacaq.
Bunı Qırım musulmanları diniy idaresiniñ matbuat hızmeti bildire.
Cami qurucılığınıñ teşebbüsçi ve teşkilâtçısı Resul Velilâyevniñ sözlerine köre, caminiñ tantanalı açılışı tedbiri 2015 senesi aprel 24-ne planlaştırıla.
Cami qurucılığı boyunca leyhalarnı qırımtatar mimarları amelge keçirdiler. Kelecekte cami yanında medrese ve bağçanı qurmağa isteyler.
Hatırlatamız, camini 2013 senesi oktâbr ayında qurmağa başladılar. Leyhağa köre, cami 500 insannı sığdıra bilecek. Birinci qatta erkekler, ekinci qatta – qadınlar içün ibadet odası olacaqtır. Mağaz odalarında sınıf, konferents-zal, abdest ve aş hanelerniñ olması planlaştırıla.
