Link açıqlığı

Ukrainanıñ sabıq içki işler naziri Vitaliy Zaharçenko özüni müşür Jukov, Ukraina içki işler nazirligini ise faşist Almaniya ile qıyasladı


Ukrainanıñ sabıq içki işler naziri Vitaliy Zaharçenko

Ukrainanıñ sabıq içki işler naziri Vitaliy Zaharçenko Ukrainanıñ qaçaq prezidenti Viktor Yanukoviç ile körüşmegenini ve onıñ bulunuv yerini bilmegenini bildirdi. Bunı o işğal etilgen Aqyarda yanvar 16 künü keçirilgen brifing devamında bildirdi, dep haber ete «Krım Media».

«Biz kerçeketen de Viktor Födoroviç ile bir qaç kere körüştik, amma daimiy bir munasebet yoqtır», – dedi Zaharçenko.

Bunıñ ile o, Arsen Avakovnıñ nazirligine «inanmağanını» bildirdi ve Ukrainanıñ bugünki uquq qoruyıcı sistemasını faşist Almaniya ile, özüni ise müşür Jukov ile qıyasladı.

«Faşist Almaniya Jukovnı qıdıruvğa ilân etkeni kibi bir şey. Men, doğrusını aytsam, kendimi ulu müşür olaraq saymayım, amma tahminiy bir qıymet kese bilem», – dep añlattı o.

Evel Ukraina baş prokurorı Vitaliy Yarema İnterpol yolbaşçılığı Ukrainanıñ sabıq içki işler naziri Vitaliy Zaharçenkonı arbiy cinayetçi olaraq tanığanı sebebinden onı qıdıruvğa ilân etmegenini bildirdi.

Malüm olğanı kibi, Ukrainanıñ sabıq içki işler naziri Vitaliy Zaharçenko Rusiye vatandaşlığını qabul etti, amma bunıñ ile ukrain vatandaşlığından da vazgeçmege istemey.

XS
SM
MD
LG