Link açıqlığı

İşğal etilgen Qırımda Maydan iştirakçilerine nisbeten qanunsız qararlarnı çıqarğan 100-ge yaqın mahkemeci saqlana. Ukraina adliye nazirliginiñ işbu malümatı Ukraina prezidenti Petro Poroşenkonıñ Yuqarı Şurası firqalarınıñ yolbaşçıları ile körüşüvinde seslendirilgen edi.

Bunı ükümet başınıñ matbuat hızmeti bildire.

Poroşenko qayd etkeni kibi, «bu cinayetlerni sımarlağan, teşkil etken ve amelge keçirgen şahıslar Ukraina tışında ve işğal olunğan territoriyalarda saqlandı».

Bu sebepten, dey ükümet başı, halqara qıdıruvğa ilân etilgenlerniñ işleri boyunca ğıyabiy mahkeme ketişatlarnıñ açılması içün uquqiy negiz işlep çıqarıldı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG