Link açıqlığı

Rusiye prezidenti Vladimir Putinniñ Bavariyada iyün ayında keçirilecek «G 7» sammitine davetli olğanlarnıñ sırasına kirmege fırsatı yoqtır.

Bunı, Reuters bildirgeni kibi, Almaniya kantsleri Angela Merkel Frankfurter Allgemeine Zeitung gazetasına ayttı.

«G 7» ve sabıq «G 8» özüni er vaqıt degerler üzerinde teşkil olunğan toplulıq olaraq tanıta edi. Qırım işğali halqara uquqnıñ ve şarqiy Ukraina vaziyetleri umumiy degerlerniñ qaba bozuluvıdır»,– qayd etti Almaniya kantsleri.

Bu sebepten, dep qoştı Merkel, Putinni sammitke davet etmeycekler.

O şunı da qayd etti ki, Avropa tarafından Rusiyege nisbeten cezalarnıñ kirsetilmesine sebepler yoq olmağanına qadar, bu cezalarnı kimse lâğu etmez.

AQŞ, Avropa birligi ve diger memleketler Moskvağa nisbeten Qırım işğalinden ve şarqiy Ukraina ziddiyetinde onıñ iştiraginden sebep cezalarnı kirsetken edi.

XS
SM
MD
LG