Link açıqlığı

Qırımda mart 16 kününe qadar arbiy komissarlıqlarğa kelmegenlerni para cezaları ile qorquzalar


Aqmescitte arbiy komissarlıqqa nevbet

Mart 16 kününe qadar arbiy komissarlıqlarğa kelmegen işğal etilgen Qırım sakinlerini para cezaları bekley.

Bu aqta Qırım «ükümeti»niñ satyında aşkâr etilgen beyanatta aytıla.

«Qırım ve Aqyarda yaşağan Rusiye vatandaşlarınıñ Ukrainada arbiy hızmette bulunğanları aqqında vesiqaları ve arbiy unvanları lâğu etilmey. Mütenasip qararnı Rusiye Federatsiyasınıñ Prezidenti Vladimir Putin 2015 senesi yanvar 2-de imzaladı», – denile beyanatta.

Arbiy hızmet qaydı Rusiye vatandaşı pasportında mahsus müür ile tasdiqlanıla.

Arbiy komisarlıqqa martnıñ 16-na qadar kelmegenlerge, Rusiye qanunlarına köre, para cezası belgilenecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG